本場

Open Now

Now Closed

同美女慶生食飯，知佢係食肉怪，就選擇左呢間位於#旺角 #瓊華中心 #本場 ，雖然係放題，但質素高質美味，坐得舒服😌，至緊要係食完油煙味不大。點左極上牛小排海鮮放題，己包139品選擇，可以食好多唔同嘅嘢，真係超級正啊。點餐後店員會先上一盤牛肉，內有牛小排，封門柳、牛頸脊、帆立貝以及牛舌，牛望落紅潤有光澤，肥瘦適中。牛小排咬落牛味重，油脂豐富滿滿肉汁，配上生雞蛋點肉一併食，滋味滿分💯。除了美味的牛肉外，當然還有其他食物如豬肉、雞肉、豬頸肉等選擇，醃製嘅肉帶有韌性，非常入味，我哋慢慢燒，燒到熟度剛剛好，而且非常之可口。海鮮方面有牛油帶子、多春魚、蠔均以錫紙盛載而，焗熟食感覺冇咁熱氣😜。食得多肉，要叫番大量蔬菜中和番，點了鮮蝦柚子沙律，泰式口味帶點辣，又有些酸很令人開胃。仲有金菇、秋葵、泡菜、生菜🥬同牛油蘆筍。還有胡麻醬豆腐，明太子櫻花蝦冷奴。需要澱粉質的我們，最後都要叫番碗烏冬同蜜糖牛油番薯。飽到不行了，但又點可以唔食埋甜品，款款都想食，最後叫左榴槤糯米糍、芝士蛋糕及泡芙，仲有Movenpick雪糕，實在太滿足啦☺️。