新南苑私房菜火鍋鷄煲 (海德中心) (Closed)

其實開心好簡單🥰一家人食下飯⋯⋯傾吓計⋯⋯講下今日發生啲乜嘢事！就已經係好滿足！尤其聽啲女講下佢公司發生嘅事😍真係好sweet😘個囡話今日喺灣仔見客！見完客之後一齊食飯！呢間係個女嘅朋友介紹嘅話超好味！又超抵！又有雞煲又有海鮮又有大閘蟹送添⋯⋯最重要係任飲添⋯⋯新南苑私房菜火鍋雞煲大閘蟹呢一餐係我今年第一次食大閘蟹！久違了的大閘蟹爆蟹膏！鮮甜美味！而且都唔細隻㗎⋯⋯麻辣雞煲雞件非常滑！肉質新鮮甜美！醬汁非常惹味！最重要可以任添食🤩新鮮蟹鍋花甲湯底呢個湯底非常甜美！個好得意嘅公仔當你開火嘅時候會慢慢溶化！店員話係南瓜甘筍湯底超鮮甜！啱啱食完大閘蟹但係呢度都有隻爆蟹膏的大肉蟹！海鮮拼盤有大蝦丶鮑魚丶帶子丶生蠔丶魚片🤩每一樣都超新鮮！其實好食好簡單只有新鮮就好味啦⋯⋯仲有小籠包和鯪魚肉丸小籠包落咗之後仲會爆湯汁添⋯⋯手切牛頸脊同一般嘅雪牛肉唔同！非常有肉味！香濃👍最後仲有甜品送添⋯⋯仲有其他配料任選任加！不過咪做大晒鬼🤣其實食完以上嘅嘢都冇乜可能再加嘢！咁嘅價錢咁嘅質素！唔怪之得佢平日都爆曬啦⋯⋯