上星期六去咗「自己人」啟德Airside新分店，真係有驚喜😋！餐廳裝修好有品味，坐得舒服，服務又貼心，服務員笑容滿面，令人賓至如歸👍。最重要係食物真係高質，潮州菜同粵式點心都做得好出色，真係啱晒聚餐👨👩👧👦。
🥯 老香王雪山包
外皮酥脆，入面係香甜奶皇餡，咬落去有層次感，好似食緊甜品咁，超治癒💛。
🦐 抱抱蝦餃
尼款蝦餃夠創意，細蝦餃抱住大蝦餃，蝦餃皮薄餡靚，蝦肉爽口彈牙，啖啖鮮味，真係比美酒店級點心🔥。
🥞 台灣肉鬆飛餅
呢個好有創意，飛餅香脆，非常有層次，配埋鹹香肉鬆，口感豐富，食完仲想encore🤤。
🌊 百花紫菜酥
外層酥脆，入面係蝦膠混紫菜，鹹香夠味，啱晒做前菜開胃😋。
🍚 海鮮紫菜炒飯
炒飯粒粒分明，紫菜味突出，唔會太鹹，而且有大大粒蝦仁及帶子粒，口感豐富，非常好味🥰。
椒鹽大鮑魚🐚
四隻大大隻鮑魚炸得外皮香脆，鮑魚彈牙爽口，絕對有驚喜。
🍠 福果芋泥
甜品部分都好有驚喜，芋泥滑到不得了，唔會太甜，暖胃又滋味🫶。
「自己人✨」真係名副其實，食物有心思，味道有層次，環境舒服，服務又好，係一間值得再訪嘅餐廳💯。🛫！
