夢工房西日料理 (Closed)

今日同朋友諗住放假過黎葵芳呢邊的葵涌廣場行街買下衫，就順便喺到食埋Lunch啦，但點知新都會廣場大裝修緊，好多鋪頭都封咗圍住曬，得返幾間食肆有開，朋友就提議不如食放題，見到呢間夢工房西日料理，午市放題連磯燒都係$168一位，就二話不說坐低咗。海鮮磯燒有好多選擇，大赤蝦，魷魚筒，大蜆，扇貝，芝士燒蠔，全部都好新鮮，食材不馬虎仲有新鮮菠蘿，牛油什菇，用電爐燒，火都好夠，可以跟佢落單張紙建議的時間黎燒，好快有得食放題梗係唔少得刺身，三文魚，八爪魚，甜蝦，帶子，蛋，厚切羊架肉質嫩滑，沙律菜爽脆仲有清酒同梅酒可以叫，梅酒清甜可口，同磯燒好夾。