馬鞍山新開一間試吓啦
太辛苦，為咗慰勞自己要揀個貴啲高級啲咩都有啲嘅set!
今日試咗Level Five真係好好味呀
又有高級日本和牛美國牛 澳洲牛任君選擇！仲有海蝦刺身好鬼正完全係壽司舖高級質素咁！就算喺一田買都要$六$70得四隻
我自己就鍾意食海鮮！有蝦，帶子青口，鮑魚魷魚等等
蝦好好味！睇唔出佢個帶子都幾好味 唔係普通雪貨
仲有彈牙爽口鮑魚😍😍超滿足
牛肉嘅話我自己最鍾意美國牛，佢個牛尾好濃郁啊😍😍怕變肥妹嘅我又唔會覺得太肥
除咗海鮮同埋靚嘅肉肉出面沙律吧仲有大量新鮮蔬菜選擇，仲有啲好特別嘅人蔘菜羽衣甘藍我就食返我最愛娃娃菜，生菜金菇
同埋就係呢度係用日本雞蛋㗎 ！我拎咗勁多粒嚟食 感覺又好味又健康
仲有蝦滑墨魚滑牛肉滑冇得彈
想講好似冇乜邊樣嘢唔好食，可能青口就細粒啲弱啲囉 不過咁多選擇你都會揀其他嘢食呵呵呵呵
仲有超開心嘅係呢度有豆腐花同中式糖水
雪糕雪條乜都有勁滿足捧住個肚走
同埋呢度啲服務態度係超級好環境係勁舒適
因為枱枱之間都好多空間，一張枱亦都好大唔會話坐得你好逼夾好辛苦 擺到成張枱都係有得
服務態度二百分！有個叫Karen嘅應該係經理勁，細心溫柔🙂↕️🙂↕️
同埋就算過咗時間都唔會即刻講你走勁customer service好😍
今次體驗200分
