Video
Read full review
2023-10-18
84 views
咁多款中菜之中,上海菜就係其中一款我最鐘意既中菜。 係openrice 見到好多好評,所以今次就去試下樂天皇朝。 地方好闊落舒服, 行高級嘅路線,側邊有個籃畀我地放袋。當日早去,未到1900 全場爆滿。記得要訂位。首先必叫嘅就係最愛既小籠包 原味小籠包皮薄餡靚,多湯汁 ,第一次咬嘅時候唔小心搞到成枱都係。肉餡唔會乾同鞋,少少咁多肥肉令到有足夠油香。新嘅韓式泡菜小籠包因為開左啟德新店,新出左個新口味。個日去到仲有期間限定50%off 。韓式泡菜小籠包個樣好得意。一半紅一半白。內裡餡係泡菜+肉,當然有泡菜既辣,連埋肉餡,感覺好得意。中韓cross over~~佢連個皮都有辣醬味,好韓風同特別~~上海油燘筍平時少見到有得食。 用筍中最嫩既部份燘,好爽脆,而味道剛剛好,唔會太咸。薺菜黃魚羮眼見都見到唔少魚肉,飲落一樣重魚味。薺菜有特別香味,同樣呢款上海菜都係出面好少見。外婆紅燒肉見到一層油花一層肉,好似一粒大 骰仔咁。一咬落去,油香加埋鬆化既瘦肉連埋最頂個層皮。雖然好邪惡但真係好好食。為左佢,跑多兩個圈。木須肉炒拉麵拉麵份量唔少,夠哂一齊Share。味道亦都剛剛好,有點似上海粗炒幼麵版,稍稍
地方好闊落舒服, 行高級嘅路線,側邊有個籃畀我地放袋。
當日早去,未到1900 全場爆滿。記得要訂位。
首先必叫嘅就係最愛既小籠包
原味小籠包
皮薄餡靚,多湯汁 ,第一次咬嘅時候唔小心搞到成枱都係。肉餡唔會乾同鞋,少少咁多肥肉令到有足夠油香。
新嘅韓式泡菜小籠包
因為開左啟德新店,新出左個新口味。
個日去到仲有期間限定50%off 。
韓式泡菜小籠包個樣好得意。一半紅一半白。內裡餡係泡菜+肉,當然有泡菜既辣,連埋肉餡,感覺好得意。中韓cross over~~佢連個皮都有辣醬味,好韓風同特別~~
上海油燘筍
平時少見到有得食。 用筍中最嫩既部份燘,好爽脆,而味道剛剛好,唔會太咸。
薺菜黃魚羮
眼見都見到唔少魚肉,飲落一樣重魚味。薺菜有特別香味,同樣呢款上海菜都係出面好少見。
外婆紅燒肉
見到一層油花一層肉,好似一粒大 骰仔咁。一咬落去,油香加埋鬆化既瘦肉連埋最頂個層皮。雖然好邪惡但真係好好食。為左佢,跑多兩個圈。
木須肉炒拉麵
拉麵份量唔少,夠哂一齊Share。味道亦都剛剛好,有點似上海粗炒幼麵版,稍稍油左少少,不過炒麵好難避免。
Post
