Video
Read full review
2021-01-28
37 views
今日去咗油麻地飲茶，叫咗幾個點心，每人都係幾十蚊，比$6茶錢就可以坐低慢慢飲杯茶食個包，幾抵食。原隻蝦燒賣（兩粒） （ $15 ）燒賣可以叫兩粒或者四粒，適合我哋兩個人唔需要食太多，比較有彈性。原隻蝦燒賣有大大隻蝦喺上面，食落爽口彈牙之外，仲有好香嘅蝦味。金沙脆皮銀蘿腸（ $25 ）呢個應該都係呢間餐廳嘅招牌菜，炸兩腸入面再加左蘿蔔絲，有多重嘅口感，外層既腸粉口感軟滑，而油炸鬼就仍然香脆， 大家都一定要試下。燒汁釀茄子（ $22）茄子上面釀左魚肉，另外再加上燒汁，感覺好似食緊平時嘅煎釀三寶咁。黑金流沙包（$24）流沙包又係每次去飲茶都必定會叫嘅。黑色既麵包配上金色既紋路，感覺特別有型。濃厚嘅奶黃呈流沙嘅狀態，將流沙包一搣開，奶黃就好似流沙咁湧出嚟，同表面既金色互相呼應。籠仔煎蛋牛肉飯（ $32）呢個煎蛋牛肉飯嘅份量比我想像中更多，牛肉就好似平時食嘅山竹牛肉咁，但就造成肉餅嘅狀態，所以食嘅時候每一啖都食到牛肉。可惜煎蛋唔係流心蛋，否則如果可以將蛋汁撈埋飯一齊食，一定會更加好味。
今日去咗油麻地飲茶，叫咗幾個點心，每人都係幾十蚊，比$6茶錢就可以坐低慢慢飲杯茶食個包，幾抵食。
原隻蝦燒賣（兩粒） （ $15 ）
燒賣可以叫兩粒或者四粒，適合我哋兩個人唔需要食太多，比較有彈性。原隻蝦燒賣有大大隻蝦喺上面，食落爽口彈牙之外，仲有好香嘅蝦味。
金沙脆皮銀蘿腸（ $25 ）
呢個應該都係呢間餐廳嘅招牌菜，炸兩腸入面再加左蘿蔔絲，有多重嘅口感，外層既腸粉口感軟滑，而油炸鬼就仍然香脆， 大家都一定要試下。
燒汁釀茄子（ $22）
茄子上面釀左魚肉，另外再加上燒汁，感覺好似食緊平時嘅煎釀三寶咁。
黑金流沙包（$24）
流沙包又係每次去飲茶都必定會叫嘅。黑色既麵包配上金色既紋路，感覺特別有型。濃厚嘅奶黃呈流沙嘅狀態，將流沙包一搣開，奶黃就好似流沙咁湧出嚟，同表面既金色互相呼應。
籠仔煎蛋牛肉飯（ $32）
呢個煎蛋牛肉飯嘅份量比我想像中更多，牛肉就好似平時食嘅山竹牛肉咁，但就造成肉餅嘅狀態，所以食嘅時候每一啖都食到牛肉。可惜煎蛋唔係流心蛋，否則如果可以將蛋汁撈埋飯一齊食，一定會更加好味。
Post
