一線之緣 (Closed)

今日試左哩間有啲特色既米線，唔係一般既雲南米線可以自己揀要咩料，係standard好哂啲款，啲料都唔係一般街外食開個啲黎既...芥末沙拉豬扒米線，米線最緊要係個湯，個湯好鮮味好好飲，成碗飲哂都唔會覺得好咸會口乾！豬扒都真係好重芥末味，所以唔係得個名咖，而且豬扒份量都好足，平時食都係得一塊，但係哩到係一碟。勝瓜墨魚滑泡飯，湯底同米線既相若，但係感覺再清啲，墨魚滑口感彈牙爽口！另外椒鹽雞軟骨都好好食，$18好大碟好抵食，麻辣豬耳都唔錯，麻味可以再重少少就更好。