22 Branch Oyster Bar & Restaurant (Closed)

將軍澳海天晉哩邊真係新開左好多餐廳，今次就試下哩間出名食生蠔既西餐廳，餐廳座位闊落舒適，亦有戶外座位。餐牌上除左西餐廳常見既菜式之外，亦有好多唔同種類既生蠔可以選擇。🦪Daily Fresh Oystee half doz 是日精選生蠔 $208如果單叫生蠔既話，唔同種類既生蠔分別係$58至$88不等，所以$208就有半打生蠔哩個價錢真係算抵食！哩到既生蠔非常出色，飽滿肥美，入口有淡淡既海水味，而且超級鮮甜，好食推介👍🏻🍕22 Branch Signature Pizza $168招牌手工薄餅 $168哩到要讚下佢既手工餅底，厚薄適中，面頭有芝士、辣肉腸、肉碎、紅椒、青椒同橄欖，仲落左墨西哥醬，味道咸香微辣。🥘香煎北海道帶子海膽忌廉汁意大利飯 $208因為煎過既關係，帶子質感較實淨，醬汁唔會膩，忌廉味較突出，亦有淡淡的海膽味，意大利飯入面仲有唔少蘑菇。整體黎講，餐廳環境舒適，生蠔亦夠新鮮好味，鍾意食生蠔既朋友可以一試。