主角「生牛肉他他」一上枱已經睇到流口水！牛肉剁得細碎但保留咬口，混入洋蔥、酸瓜同香草，味道層次超豐富。最正係面頭嗰隻鵪鶉蛋同矜貴墨魚籽，撈勻之後牛肉更加滑溜，鹹鮮味即刻提升！
隨碟附送嘅法包烤得香脆，搽滿牛肉他他一啖咬落去，外脆內軟嘅口感，配合牛肉他他嘅鮮味同蛋香，真係絕配！怕生牛肉嘅朋友可能會卻步，但其實處理得好好，完全冇腥味，食落好fresh～
雖然價錢唔算平，但質素對得住價錢，而且份量都夠2-3人share。另外要讚吓服務幾好，店員會細心介紹食法。下次想喺旺角搵間有格調嘅餐廳，呢度絕對係唔錯選擇！
1
