本佐日本燒肉料理 (Closed)

今個月屋企有人生日，特登出去食餐好嘅，之前其實已經嚟過一次，覺得幾好食今次返尋味！呢一度環境幾舒服，又多卡位，抽風又好，油煙唔算大，我book咗六點，都已經大部份嘅位坐滿左，星期六日佢$298+1，任食兩個鐘，其實都好夠食到飽！佢呢度唔使麻煩店員落單，佢用iPad好方便，落完就好快送到，任食黎講，食物種類多元化，仲要質素好高。肉類方面有日本和牛粒、安格斯肉眼、牛仔骨、日本黑豚、日本雞件等，其他仲有海鮮、椰菜、炸物、壽司、刺身等等，應有盡有我哋好鍾意食海蝦，燒蝦好好味，蝦肉又彈牙清甜，而佢亦都有提供新鮮嘅蜆，你要幾多有幾多，放係中間慢慢煲，一開口就食得，夠晒清甜而燒野當然唔少得燒菠蘿，加熱少少，更加甜！肉既肉色紅潤新鮮，燒完非常好食，牛既7-全熟就最正，而單骨雞翼食落亦十分方便~刺身壽司選擇都幾多，亦都幾鮮總括來講，都幾適合一大班人過嚟食，不過記得早啲訂位因為有機會what in要等！