先上既係肉類，不但油花分佈平均而且色澤漂亮，試過晒咁多款牛，澳洲和牛胸係最好食，最入口即融而且唔"韌"，和牛肉眼都唔錯的，不妨嗌多幾轉。豬黎講七味豚拖羅，有濃郁肉香美味加上有七味粉作調味，入味卻毫不軟爛，好有口感。雞翼就咸左少少但肉質是鮮美的。
送既海鮮拼盤樣樣鮮，帶子最出色，有粒小牛油係上面，燒個時將牛油既精華滲入帶子裏面，多汁而且肉質鮮嫩。蝦都唔遜色，超級大隻，肉質嫩而且食落仲唔膩。
之後輪到剌身，全部都好新鮮，當中既海膽肥厚，濃郁甘甜，在口中會慢慢溶化，配合埋紫菜包黎食更顯美味，之後無得再嗌的，所以更加要好好品嘗。生蠔亦肉質豐厚，鮮味爽口。
食完啲頭盤其實都已經有啲飽，之後嗌左少少自己想食既野同覺得最好食既肉就去攞甜品食，我揀左Dreyers既雪條黎食，估唔到呢度有，之前一直都想嘗下呢隻芝士撻味，芝士味好足好濃郁，幾好食。
1
