Orange Elephant Thai Restaurant (和富) (Closed)

泰式海南雞半隻海南雞呈金黃色，賣相佳 。雞肉滑不溜手，食落係暖身嘅。佐以甜豉油同辣醬，非常好食。咖哩海鮮脆包盅大大份好足料。咖哩係好似咖哩炒蟹嗰種咖哩， 配上脆皮包盅， 包身吸滿咖哩嘅精華 ，食落非常之惹味。 海鮮亦好多， 粗略數過有兩舊青口，裹粉炸過嘅魚柳， 仲有一兩嚿蝦同埋魷魚， 一份夠曬兩個人食。Strawberry snowy cream飲落好冰凍，質感似沙冰同雪糕嘅混合飲品。 原本擔心會好甜， 實際飲落就唔覺得太膩， 底部嘅士多啤梨酸味啱啱好中和到面頭嘅甜味， 幾好飲。Mango coco mousse with sago依杯同樣好凍，質感都係比較接近冰沙， 相比起Strawberry snowy cream 流質少少。 飲落帶有少少芒果同椰香味， 仲有啲西米。好豐富。