西班牙火腿鮮果沙律
火腿充滿鹹香味同水果清甜味形成強烈對比，口感清新得尼又特別。鮮果火龍果同橙味道香甜，沙律亦都好新鮮。
餐包&蘑菇湯
餐包又熱又軟熟，塗上牛油一齊食就更好食。蘑菇湯口感順滑，蘑菇味濃郁，食落亦唔會膩！
西班牙八爪魚鮮墨汁扁意粉
由於係用新鮮墨汁煮成，所以扁意粉質感食落同平時出面食既唔同，意粉軟硬程度適中！八爪魚口感彈牙煙韌，同墨汁意粉好夾！
自家製法式油封鴨髀
鴨髀外皮酥脆，肉質鮮嫩，簡直入口即溶！油封方式令肉質更加濕潤，同充滿油脂香味，令人一試難忘！
焦糖蘋果蛋糕配馬卡龍
蛋糕鬆軟，焦糖蘋果甜甜酸酸，蘋果粒份量好多，蛋糕中間成層都係蘋果粒。蛋糕旁邊放有一粒馬卡龍，之前食過既馬卡龍都係超級甜，但依個唔係好甜，甜度啱啱好。
3
