Hunger Point (Moved) New Location

入夜了，又係時候要搵外賣食。前兩日行過上環，經過歌賦街，見到一間新開嘅餐廳，門外有一個巨型燈飾，係一個location嘅形狀。餐廳係賣taco嘅，餐廳嘅裝修都幾精緻，於是就行咗入去試下。🥩Shredded beef $38第一次見有脆皮嘅taco皮，於是就揀咗嚟試吓啦。脆皮嘅taco會捲到好似雪糕cone咁包住啲嘢食，脆皮食落會好似食緊doritos咁。shredded beef 入面有炆牛肋肉，紅秋里醬同牛油果醬，牛肉好淋身，細心咀嚼會發現牛肉有少少酒味。🌶Red Bird $62Red bird 係taco bowl嘅一種，入面有墨西哥辣雞、牛油果醬、蕃茄莎莎、同芝士，最底層會有白飯。墨西哥風味嘅雞會帶有少少辣味，鍾意食辣野嘅朋友可以試下，將所有餸撈埋一齊食再配埋白飯食，感覺好似食緊taco但又好似食緊飯，非常新奇。我幾鍾意食呢個。呢兩樣嘢食加埋先啱啱好$100 ，夠我哋兩個人食。算係一間好抵嘅墨西哥菜，人均消費先$50。下次有機會會想試吓糖食。