口麻天辣

Open Now

Now Closed

今日咁啱經過呢度，本身諗緊食咩好，見到呢間粉紅色嘅餐廳，本身以為係Cafe，竟然係食辣嘢嘅，一於嚟試吓啦。呢度嘅二人套餐非常抵食，我哋揀咗酸菜魚多辣，一上枱就見到佢嘅賣相好靚，而且份量好多。魚肉食落好滑，唔係平時雪藏嘅魚，而且多辣都唔會太辣，酸酸辣辣咁非常開胃。麻辣燙方面，我哋就揀咗滕椒湯，大蝦，豚肉片同手打麵。佢嘅面質口感好好，食落就出面嘅面好唔同。而且我哋仲揀咗芋絲，花菜，萵筍絲，感覺非常健康。而且唔會太辣，襯白飯食就啱啱好。甜品就係紅糖糍粑，出面好少搵到呢個小食。佢食落唔會太甜，而且口感軟懦，有啲似年糕。