火鍋湯底選擇好多，我同朋友揀左滋潤養顏雪蓮子桃膠椰子雞鍋，用上左大量椰子，湯底好清甜，雞份量亦好多，肉質鮮嫩。
風花雪月手打丸拼盤
一次過試晒6款手打丸 - 鮑魚丸、干具丸、墨魚丸、流心芝士墨魚丸、鮮蝦丸、流沙黃金蝦丸。最特別係飽魚丸同埋干具丸，飽魚丸真係用個鮑魚外殼裝住，咬落去口感非常彈牙，干具丸入面食到干具粒，好鮮甜，另外流心芝士墨魚丸同埋流沙黃金蝦丸非常有創意，蝦丸入面有好大隻鮮蝦，非常高質。
薄切牛舌心
牛舌心切得超薄，口感富有彈性又軟嫩多汁，非常新鮮。
新鮮豬頸肉
砌到一朵花既形狀，油花分布均勻，肉質粗且有韌性。
風花雪月手餃子拼盤
用架裝住，一上枱已經覺得好架勢，一次過試晒5款水餃同埋鮮蝦雲吞，韮菜餃皮係綠色，賣相特別，重慶辣子雞肉餃用左橙色餃子皮，重慶辣味重，岩哂中意食辣朋友，另外最推介野菌黑松露餃，黑松露香氣濃郁。
