Video
Read full review
2022-01-02
2372 views
🥓壽喜燒 - 日本產黑毛和牛及豚肉90分鐘放題套餐成人 $359; 小童 $169好耐都無食過咁高質嘅燒肉同邊爐啦！未講食物之前，好想讚下店員嘅服務態度非常好，會問你覺得啲食物點、使唔使加多啲，又會主動問你洗唔洗影相👏🏻👏🏻先嚟壽喜燒，店員會用牛脂肪起鑊，繼而輕炙和牛。淋上自家製壽喜燒汁後，點埋可以免費追加嘅日本生雞蛋進食，本身牛味香濃嘅黑毛和牛會變得更加嫩滑🤤除咗啲雪花紋好靚、油脂分佈得好平均嘅和牛，較爽口嘅牛舌同都係切到咁薄嘅豚肉點咗壽喜燒汁同蛋之後，都會變得非常香甜味美🥰燒完肉就可以打邊爐啦！因為食完咁多肉，所以我哋點咗昆布清湯。我發現涮和牛嘅話啲牛味會更香濃。另外，啲蔬菜例如金菇、冬菇、娃娃菜、秋葵等等都非常新鮮👍🏻仲未夠喉嘅話，可以去急凍得嚟又乾淨企理嘅自助吧拎啲蔬菜同丸類等配料。仲有期間限定食物：關東煮、鯛魚燒都唔錯㗎！不得不讚嘅係呢度仲有雪糕機比你自己唧雪糕(有雲呢拿同抹茶雪糕揀)，啱晒以前返兼職都係負責唧雪糕嘅我玩✌🏻
🥓壽喜燒 - 日本產黑毛和牛及豚肉90分鐘放題套餐成人 $359; 小童 $169
好耐都無食過咁高質嘅燒肉同邊爐啦！未講食物之前，好想讚下店員嘅服務態度非常好，會問你覺得啲食物點、使唔使加多啲，又會主動問你洗唔洗影相👏🏻👏🏻
先嚟壽喜燒，店員會用牛脂肪起鑊，繼而輕炙和牛。淋上自家製壽喜燒汁後，點埋可以免費追加嘅日本生雞蛋進食，本身牛味香濃嘅黑毛和牛會變得更加嫩滑🤤
除咗啲雪花紋好靚、油脂分佈得好平均嘅和牛，較爽口嘅牛舌同都係切到咁薄嘅豚肉點咗壽喜燒汁同蛋之後，都會變得非常香甜味美🥰
燒完肉就可以打邊爐啦！因為食完咁多肉，所以我哋點咗昆布清湯。我發現涮和牛嘅話啲牛味會更香濃。另外，啲蔬菜例如金菇、冬菇、娃娃菜、秋葵等等都非常新鮮👍🏻
仲未夠喉嘅話，可以去急凍得嚟又乾淨企理嘅自助吧拎啲蔬菜同丸類等配料。仲有期間限定食物：關東煮、鯛魚燒都唔錯㗎！不得不讚嘅係呢度仲有雪糕機比你自己唧雪糕(有雲呢拿同抹茶雪糕揀)，啱晒以前返兼職都係負責唧雪糕嘅我玩✌🏻
Post
