Video
Read full review
2024-07-23
793 views
第1次食以壽喜燒為主打既放題, 食物種類都幾多, 有和牛、海鮮、刺身、壽司炸物、甜品等, 而且店舖間隔闊落, 見到有日式榻榻米又有獨立包廂. 壽喜燒套餐總共有5個level , 最平既係$228, 但見到餐廳依家做緊新張優惠, Lv5套餐每4位就送龍蝦刺身1隻, 而且個餐仲包左115款食物,所以就諗住食豪啲揀左Lv5.💵 嚴選山形縣產藏王和牛＋極上刺身+極上壽司＋海鮮放題 $598/位🍽️原隻龍蝦刺身都幾大隻,所以拆出嚟既龍蝦肉都多, 雖然肉質唔算話非常鮮甜, 但食落都係爽口新鮮的.🍽️ 壽司併盤 Lv5會加送壽司併盤, 可揀大拖羅或中拖羅,仲有赤身、油甘魚、鯛魚、炙燒和牛、三文魚腩. 拖羅無筋, 肉質軟腍, 三文魚腩亦夠肥美.🍽️ 山形縣產藏王和牛上肉｜赤身肉｜和牛牛舌和牛肉質軟嫩, 牛上肉雪花分布均勻, 赤身肉則肉味濃厚, 2款質素都非常高, 好好食. 牛舌亦夠爽滑, 唔韌.🍽️ 宮城縣產仙台A5霜降黑毛和牛西冷/肉眼｜A5霜降黑毛和牛赤身肉每位加$100就可以升級做仙台A5霜降黑毛和牛, 雪花比藏王和牛更什, 所以脂香味十足, 有入口即溶既效果, 點埋蛋漿的話令和牛更加嫩滑, 加上甜甜
壽喜燒套餐總共有5個level , 最平既係$228, 但見到餐廳依家做緊新張優惠, Lv5套餐每4位就送龍蝦刺身1隻, 而且個餐仲包左115款食物,所以就諗住食豪啲揀左Lv5.
💵 嚴選山形縣產藏王和牛＋極上刺身+極上壽司＋海鮮放題 $598/位
🍽️原隻龍蝦刺身
都幾大隻,所以拆出嚟既龍蝦肉都多, 雖然肉質唔算話非常鮮甜, 但食落都係爽口新鮮的.
🍽️ 壽司併盤
Lv5會加送壽司併盤, 可揀大拖羅或中拖羅,仲有赤身、油甘魚、鯛魚、炙燒和牛、三文魚腩. 拖羅無筋, 肉質軟腍, 三文魚腩亦夠肥美.
🍽️ 山形縣產藏王和牛上肉｜赤身肉｜和牛牛舌
和牛肉質軟嫩, 牛上肉雪花分布均勻, 赤身肉則肉味濃厚, 2款質素都非常高, 好好食. 牛舌亦夠爽滑, 唔韌.
🍽️ 宮城縣產仙台A5霜降黑毛和牛西冷/肉眼｜A5霜降黑毛和牛赤身肉
每位加$100就可以升級做仙台A5霜降黑毛和牛, 雪花比藏王和牛更什, 所以脂香味十足, 有入口即溶既效果, 點埋蛋漿的話令和牛更加嫩滑, 加上甜甜地既壽喜燒湯底, 令和牛更惹味.
🍽️ 刺身、炸物
刺身方面都係任食, 包括有帆立貝、季節魚、三文魚. 而炸物方面選擇亦唔小, 有日本廣島蠔、鮑魚、蟹肉忌廉薯餅等. 當中最欣賞炸蠔, 熟度剛好,夠哂軟嫩. 其他炸物亦都唔錯, 唔會話炸到好乾身.
🍽️ 甜品
餐廳出面仲有個自助區, 除左有火鍋配料, 日式和食等可以任拎外, 仲有甜品區, 有百味堂雪糕可以自己任唧, 最後每人仲有一份即制日式疏乎厘班戟, 味道都唔錯, 空氣感十足, 做得夠鬆軟.
Post
