醉潮館

Open Now

Now Closed

噚晚同男朋友去左荃灣一間食潮州野既餐廳，晚餐時段好多人，全場爆滿，要係室外等左一陣位先有得入去。入面裝修好古色古香，仲預備左茶樓用黎洗碗筷用既盆俾我地洗餐具。基本上枱枱都見到啲人叫左蜆煲，睇黎應該最出名就係個煲，我地叫左三個小菜share食：蜜桃咕嚕肉（$88）、蝦干界蘭煲（$88）同砂鍋卜卜蜆煲（$188）。飲品就叫左比較少有既天地1號蘋果醋。個咕嚕肉好好食，食得出係靚豬肉，個皮係脆既又貼肉，舊舊都無骨。食完個咕嚕肉已經覺得等位都正，唔係到到都食到煮得好既咕嚕肉！蝦干界蘭煲鹹香味好重，蝦干超大隻，好香。重頭戲係個卜卜蜆煲，隻隻蜆肉都大大粒、完全無沙，個湯仲好暖胃 雖然間餐廳要等一陣位，不過食物質素高，都值得一等。