糊塗燒肉 (Closed)

同男朋友行完星街，轉落去聖佛蘭士街，發現到呢間日式燒肉，睇完個餐牌價錢都OK，就入去試吓，座位唔多，好彩冇book位walkin 都有位。小店得幾張枱，餐牌亦唔係勁多選擇，但我好鍾意食牛，所以嗌咗和牛套餐，啲牛好靚同價錢都唔算貴，後巷仲要有遊戲機打勁得意我哋叫咗和牛套餐同埋海鮮盒，仲有叫咗啲菜，都已經好舊式，同埋可能小店關係，座位唔太迫，其他都係訂枱客人。啲牛同海鮮都好新鮮，侍應同我哋講係因為每日去街市買新鮮食材，同埋好多客人都係訂位嘅，所以叫我哋記住下次訂位，如果唔係可能海鮮就未必會有得叫，佢亦都唔會1個鐘頭趕我哋走仲請我哋飲咗杯啤酒，唔使食都趕頭趕命真係好開心。