Video
Read full review
2023-07-03
96 views
呢日放早去觀塘約fd玩boardgame。玩之前當然要醫下肚仔。上Openrice見呢間台式餐廳好似評分不錯，於是決定黎試下有無伏。午巿套餐46蚊起，睇落唔算貴。仲有一人火鍋揀。先黎既係凍仙草奶茶 同埋 百頁豆腐仙草奶茶揀左無糖，茶底不錯，無糖都唔會感覺好淡。仙草夠滑，味道天然。我揀個紅燒湯麵午巿套餐(三寶牛肉麵)，加左各7蚊要左呢有碟小食，包括：百頁豆腐、滷甜不辣和涼拌小黃瓜。涼拌小黃瓜夠凍，好爽脆，好消暑。百頁豆腐有兩大舊，小小辣，幾惹味。甜不辣，幾Q彈。三寶牛肉麵份量幾大，有得揀湯既濃郁度。我揀左最濃郁，無過咸，飲哂都唔覺口渴。額外加10蚊既溏心蛋，有蘭王既感覺。另外仲叫左碟滷肉燙青菜。一個人食咁多野，埋單都係$162。細食既朋友可能兩個share都夠食，所以真係幾抵食，仲要味道唔錯。
上Openrice見呢間台式餐廳好似評分不錯，於是決定黎試下有無伏。
午巿套餐46蚊起，睇落唔算貴。
仲有一人火鍋揀。
先黎既係凍仙草奶茶 同埋 百頁豆腐
仙草奶茶揀左無糖，茶底不錯，無糖都唔會感覺好淡。
仙草夠滑，味道天然。
我揀個紅燒湯麵午巿套餐(三寶牛肉麵)，加左各7蚊要左呢有碟小食，包括：百頁豆腐、滷甜不辣和涼拌小黃瓜。
涼拌小黃瓜夠凍，好爽脆，好消暑。
百頁豆腐有兩大舊，小小辣，幾惹味。
甜不辣，幾Q彈。
三寶牛肉麵份量幾大，有得揀湯既濃郁度。
我揀左最濃郁，無過咸，飲哂都唔覺口渴。
額外加10蚊既溏心蛋，有蘭王既感覺。
另外仲叫左碟滷肉燙青菜。
一個人食咁多野，埋單都係$162。細食既朋友可能兩個share都夠食，所以真係幾抵食，仲要味道唔錯。
Post
