Video
Read full review
2019-07-18
50 views
前幾日同個朋友喺尖沙咀行街，見有啲肚餓，就周圍行下睇吓有乜嘢食，最後入左呢間冰室度。咁話明係冰室，好多人都唔會抱乜嘢期望，當係正正常常一間茶餐廳，但餐廳嘅環境都算舒適，坐落都幾舒服。正當我當佢係一間普通嘅茶餐廳嘅時候，一望到佢個餐牌(太大疊所以冇影到)，就覺得呢一間係與別不同嘅茶餐廳，飲品、食物種類都算多。 一坐低，就叫咗呢幾樣嘢。呢兩杯阿華田同其他嘅茶餐廳味道差唔多，但係凍華田偏淡少少。💛<黑松露薯條>一嚟到見到黑松露醬同薯條係分開對我來講都已經加咗分，因為本身唔係咁鍾意醬同其他嘢撈埋一齊。首先，薯條嘅粗幼適中，仲揸到脆卜卜，好食。其次，黑松露醬嘅份量都OK，黑松露味無論係聞落去定食落去都好重，唔會係名過於實，得個香字。💛<椒鹽雞翼>雞翼炸到好脆，咬落去唔會好乾，仲有肉汁，幾好食。配料好香，配菜亦都唔會太多而佔領咗主菜嘅地位，幾好。💛<薯蓉焗青口>本身我個人就好少食海鮮嘅，青口更加係冇食過。但係我朋友嗌完食唔哂，叫我試一啲，本身係好抗拒，但最後都係食咗。薯蓉同芝士嘅比例相當好，青口亦都好大嚿，食落去唔會有腥味，同埋有好多汁，唔錯。💛
正當我當佢係一間普通嘅茶餐廳嘅時候，一望到佢個餐牌(太大疊所以冇影到)，就覺得呢一間係與別不同嘅茶餐廳，飲品、食物種類都算多。
一坐低，就叫咗呢幾樣嘢。
呢兩杯阿華田同其他嘅茶餐廳味道差唔多，但係凍華田偏淡少少。
💛<黑松露薯條>
一嚟到見到黑松露醬同薯條係分開對我來講都已經加咗分，因為本身唔係咁鍾意醬同其他嘢撈埋一齊。首先，薯條嘅粗幼適中，仲揸到脆卜卜，好食。其次，黑松露醬嘅份量都OK，黑松露味無論係聞落去定食落去都好重，唔會係名過於實，得個香字。
💛<椒鹽雞翼>
雞翼炸到好脆，咬落去唔會好乾，仲有肉汁，幾好食。配料好香，配菜亦都唔會太多而佔領咗主菜嘅地位，幾好。
💛<薯蓉焗青口>
本身我個人就好少食海鮮嘅，青口更加係冇食過。但係我朋友嗌完食唔哂，叫我試一啲，本身係好抗拒，但最後都係食咗。薯蓉同芝士嘅比例相當好，青口亦都好大嚿，食落去唔會有腥味，同埋有好多汁，唔錯。
💛<韓式鐵鍋珍珠飯（吉列魚柳配雞翼加黑椒汁)>
首先見到就係好豐富啦，值呢個價。配菜就有西蘭花，泡菜，粟米粒同蕃茄，話明係韓式，佢就有最低限度嘅泡菜，食落去都係有翻應有嘅酸辣味；而西蘭花我覺得就較乾身，不過接受到既；蕃茄好新鮮，粟米粒甜甜哋幾好食。而主角吉列魚柳，都係炸到脆卜卜，同時保留到魚柳嘅肉汁，食落去仲有魚鮮味；雞翼就炸得比較乾身，但入邊都仲有啲肉汁，味道整體幾香口，幾好食；個飯都OK，珍珠米食落都唔錯，好有咬口。
總括嚟講，其實呢個價我覺得喺尖沙咀係差唔多，唔平唔貴，而且食物嘅質素都幾好，值得一試。
Post
