川流 (Closed)

Item: Sichuan Lab
Rating: 0
Author: RheaChim

Sichuan Lab

190 Reviews

Taste

Decor

Service

Hygiene

Value

13905

Wan Chai

$201-400

Sichuan Dim Sum Private Kitchen

157

RheaChim

Level4

1.1K

Read full review

川流 #灣仔
❗️高質假日任食點心❗️
好慶幸自己發現到呢一間任食點心優惠🥰$168有多達12種點心同埋6道小菜任食，而且每一款味道都好好食，回味無窮💕作為川菜餐廳，所以有啲點心小菜係辣，而每一款點心配搭都非常獨特✨從來未喺其他地方見過，超級值得食！

雖然呢一間係川菜餐廳，但今次嘅點心任食有好多款式都唔辣，就算辣嘅菜式都唔係超辣，就算唔食得辣嘅人都可以黎試吓！

點心 (個人推薦指數)：
1️⃣蜂窩魚香茄子芋角 ❤️❤️❤️❤️❤️
極高質嘅芋角🤩首先外層夠晒薄脆，入面嘅芋頭好綿滑，甚至優勝過好多香港bagel芋頭，巧妙地加上鹹香味重嘅魚香茄子，好味到食咗兩輪👍🏻如果個胃可以再大啲一定會無限食呢款！

2️⃣鮮蝦豆苗餃❤️❤️❤️❤️❤️
同樣係我最愛之一💕order左三次！嗰皮超級煙銀好咬，一向唔好豆苗餃嘅我都覺得超好食😋豆苗入味多汁，配上爽口鮮蝦，回味無窮。

3️⃣爆汁芝麻牛肉鍋貼❤️❤️❤️❤️❤️
一咬落去完全係爆汁，超誇張🤩冇食過咁高質嘅鍋貼！加上芝麻喺面，更加香口，完全係一個高質鍋貼形狀嘅生煎包！

4️⃣百花煎釀蘿蔔糕❤️❤️❤️❤️❤️
連蘿蔔糕都做得好精緻😍居然係蘿蔔糕入面釀咗蝦膠，令到口感味道都更豐富。而且蘿蔔糕係微炸，外層脆卜卜入面軟熟，超級好味。

5️⃣貢笋三蝦餃❤️❤️❤️❤️❤️
呢個蝦餃真係好好食，個皮比起一般嘅蝦餃更為煙韌，但依然非常薄，入面嘅蝦爽口彈牙，order咗起碼三次！

6️⃣蝦汁小籠包❤️❤️❤️❤️
有別於一般肉汁小籠包，用上蝦汁，仲要有原隻蝦係入面，更為鮮甜，而且皮薄多汁。

7️⃣麻辣腸蔥油餅❤️❤️❤️❤️
係圓形細細粒嘅嗰種蔥油餅，呢一款嘅蔥油餅外皮非常脆，但通常較為厚身，而且內裏蔥油夠香，加上少少麻辣，甚為惹味👍🏻不過呢一款就較為油膩，建議唔好食咁多，如果唔係會無胃口食其他。

8️⃣️⃣紅酒京醬燒鵝包❤️❤️❤️
同叉燒包味道分別唔大，唔太覺係燒鵝，相對上驚喜冇咁大🙈但係餡料豐富，配上甜甜地嘅醬汁，鍾意食叉燒包嘅人一定鍾意。

9️⃣美味素菜包❤️❤️❤️
味道香濃嘅素菜包，用上蔬菜🥬菇菌🍄等製作，而且仲要有汁，素菜包來講都幾好食！ 🔟煳辣酸辣抄手❤️❤️❤️
1️⃣1️⃣️⃣雞湯抄手❤️❤️❤️
一款辣一款唔辣任君選擇👍🏻兩款所用嘅抄手係一樣，都係皮薄包住菜肉餡。而且無論辣定唔辣湯底都好濃郁🤤視乎你鍾唔鍾意食辣。

1️⃣2️⃣蟹子燒賣❤️❤️❤️
同茶樓食開嘅燒賣類似，都係以豬肉、菇為主，大大粒香氣十足。
————————————————————
小菜沙律吧🥙
唔單只點心任食，仲有啲沙律同幾款四川小菜，同樣唔錯。

1️⃣酸辣拌寬粉🧡🧡🧡🧡🧡
好鍾意呢個寬粉❤️超級煙韌，完全符合到我理想中寬粉嘅口感同味道，食咗兩大碗！

2️⃣古方紅糖豆腐花🧡🧡🧡🧡🧡
特別地用上紅糖配豆腐花，豆腐花本身豆味已經夠重，配上甜甜地嘅紅糖，冇諗過原來係咁夾！

3️⃣五香牛肉配醬麻油汁🧡🧡🧡🧡🧡
好好味嘅牛肉💕切到一粒粒嘅形狀，有啲似牛腩，不過冇咁肥但依然嫩，加上五香味同埋麻油汁，超級入味。

4️⃣川北涼粉配涼粉汁🧡🧡🧡
似係粉皮多過川北涼粉🥰撇除呢一點，配上酸酸辣辣嘅涼粉汁，開胃又好味。

5️⃣蒜泥白肉配甜紅蒜泥汁🧡🧡🧡
用上較為瘦身嘅豬肉，配上酸甜紅蒜泥汁，冇平時食嘅咁重蒜味咁辣。

6️⃣棒棒雞配棒雞麻醬汁🧡🧡
其實似雞絲粉皮，切到幼細嘅雞絲撈埋麻醬粉皮，不過略嫌雞嘅存在感唔係好高。

味道4.5/5
性價比: 4.7/5

整體來講呢一間川菜點心放題真係超級好食，對比對上一次係逸東軒食嘅更加推薦呢間，雖然逸東軒係米芝蓮一星，但個人認為呢一間嘅點心更加有特色同埋更加惹味🤤🤤🤤而且價錢更平，推薦！

點心放題詳情：時間：星期六、日及公眾假期11:00am - 3:00pm（任食1.5小時）收費：成人$168，需加茶水費$25及加一服務費。訂座電話☎️3126 6633