尚苑京滬川菜 (Renamed) View

請咗半日假me time一下，嚟咗紅磡搵咗一間中菜館喺南洋中心地庫睇個樣唔錯，依次去試吓，餐廳唔算非常大座位寬敞，唔會太逼夾坐得非常舒適。坐低後叫咗五個點心，豚肉叉燒包，鴛鴦肚雞扎，甘筍鹹水角和原隻鮮蝦燒賣，宜家餐廳仲做緊優惠，一蚊就可以叫一隻人蔘湯蝦餃非常抵食。點心即叫即整等了15分鐘後就上枱，鹹水角造型似足一隻甘筍，睇得出師傅非常用心製作鹹水角餡料亦非常豐富。鴛鴦圖雞札，估唔到竟然唔係用火腿而係用上黑椒金錢肚取代配上魚肚雞肉腐皮及芋頭，打開雞扎非常有驚喜。 豚肉叉燒包亦唔會非常多肥豬肉，一粒燒賣竟然有兩隻原隻鮮蝦加上半肥瘦豬肉非常爽口。人蔘湯蝦餃甘香味十足，用上新鮮人蔘熬製湯底而成配上蝦餃皇，味道非常配合。餐廳入口非常容易尋找就在男人中心入口落一層，有機會大家要嚟試吓。