早日就去了元朗嘆高質抵食西餐🍴
餐廳樓底好高，設有樓上雅座，
環境充滿歐陸風情，好有情調，
提供多款小食、主菜、美酒等🍷
服務員亦細心禮貌，認真加分。
當中嘅二人晚餐只需$538，有齊
前菜、餐湯、2個主菜、甜品、餐飲，
仲可升級餐湯及追加餐前小食，
豐富又美味，相當抵食❣️
🥗半乾蕃茄沙律
沙律加入酸甜嘅半乾蕃茄🍅份外開胃！
🍴香煎鵝肝 +$48
鵝肝香濃又肥美，煎得外脆肉嫩，
配上酸甜啫喱，層次豐富不油膩。
🦞升級法式龍蝦湯 +$48
酥皮金黃酥脆，龍蝦湯熱辣辣♨️
味道濃郁，仲有彈牙龍蝦肉，
啖啖暖入心～
🍖法式油封鴨脾
大大隻鴨脾，好有視覺震撼，
鴨脾用上低温慢煮，再香煎，
可全面鎖緊鴨脂油香，
令鴨皮香脆，肉質鬆化嫩滑，
配埋杏脯果醬同自家製紅酒汁，
簡直一絕，好快就清碟啦！
🍝三文魚子蟹肉忌廉意粉
粒粒爆破嘅魚子、嫩滑嘅蟹肉、
濃郁嘅忌廉醬汁，加埋煙韌嘅意粉，
口感順滑富層次，好味道！
🫐鮮果芭菲
滙集多種酸甜嘅果肉及香脆堅果，
入口清新豐富，為晚餐完美作結！
🍰伯爵茶巴斯克蛋糕
焦香外層、內裡濕潤順滑，
入口滲出陣陣伯爵茶香氣，
優雅不膩！
