佢話淨係食蛋白質
見呢間火鍋主打海鮮 岩晒佢
就去book位試吓
建議一定要book位
因為會有個花膠雞湯送
呢度嘅海鮮主要分三個set
我哋揀咗至尊海鮮套餐B
1
坐低會有碟小食俾你 幾香口
之後就出去調味區到混醬
可能因為係食海鮮 見到有泰式辣醬
同海鮮好夾 一定要拎啲嚟試吓
轉個頭個海鮮池勁多海鮮
隻隻都生猛 好新鮮
返到去個壓力煲蠔已經到左
蠔肉脹卜卜
咩都唔使點已經好鮮甜
之後就係花膠雞湯
店員話係要幾十隻雞熬成嘅湯底
再加埋新鮮雞件
店員幫手控制火喉之下
啲雞滾出嚟勁滑 花膠有膠質但唔會糊
最後我哋每人飲咗兩碗雞湯
主菜到了 一大盤海鮮見到都興奮
我地都係叫左南瓜雞湯黎煮海鮮
另外呢度都好貼心
會提供建議食品烹煮時間
咁海鮮就一定唔會熟個頭
波士頓龍蝦 好鮮甜 啖啖肉
鮮活鮑魚 滾5分鐘 啱啱好唔會靭
蟶子王 勁大條 好似個匙羹咁粗
大元貝 滾2分鐘食 完全唔靭
又厚肉 食落有啲似刺身咁
另外六款海鮮有
紐西蘭青口 好少何食到新鮮嘅青口
生劏白鱔片 魚皮煙靭 魚肉鮮甜
基圍蝦 生鮮爽口
貴妃蚌 好鮮甜
本灣鮮魷 鮮魷勁厚身 滾完出黎好嫩
風暴貝 脹卜卜 仲有海水既鮮味
套餐叫其他配料有優惠價
所以左即包明記雲吞王
雲吞王勁大粒
一啖係唔會食得晒個種
入面有兩大隻大蝦 蝦肉好爽
老潮州韭菜餃
餡多 料好入味
食完勁滿足
飲品方面
叫左個特大杯熊仔冰檸檬茶
又成日1L
兩個人都夠飲
最後好飽之際
點樣仲拎咗個甜品俾我哋
士多啤梨沙冰
食完熱野降下岩晒
呢個價錢食到咁正嘅海鮮真係好唔錯
下次都會再同朋友嚟食
好過自己買自己洗
