Video
Read full review
2011-12-06
285 views
老實講，今次真係千錯萬錯，就錯在我無3G data plan，入去之前search下.......比佢激到一肚氣，所以覺得d野都難食左，唔上來打一篇野對唔住自己地點: 地點係唔錯，位處踩單車去大尾篤途中必經的士多對面，幾靚，幾方便~ 大埔港鐵站搭一程幾密的車就去到了，巴士有兩架，小巴都有一架去到，而且車費唔係貴。不過如果由大尾篤水壩果邊行過去就有點小遠食物: 野食係幾入味，因為好鹹好重口味。佢地不斷強調係麥師傅調味....老實講，真係食唔出有咩咁好味，亦唔識佢邊個麥師傅，反而覺得有少少鹹過頭，應該用左好重味精，越食越口渴，加上都唔太見有黑椒同蒜蓉之類，可以算係"秘製調味"吧?? 不過我都係鐘意街市買好d.....另外有樣野係好值得一提，就係佢係用人地美心大班麵包店用作運送麵包的膠箱去裝食物比客人，所以賣相真係有限，心理上都會覺得有點不衛生....真係可惜無影相，不過大家睇其他食評都會見到呢樣野同埋，因為佢地裝食物個箱係無隔開，.運到去爐時，佢地已經全部相親相愛糾纏不清，食物味道交叉影響...除左鹹之外，唔太食得出佢仲有咩味如果真係要講除左鹹之外有咩味呢，係有的因為有若干咖喱魷魚，但係食
比佢激到一肚氣，所以覺得d野都難食左，唔上來打一篇野對唔住自己
地點: 地點係唔錯，位處踩單車去大尾篤途中必經的士多對面，幾靚，幾方便~ 大埔港鐵站搭一程幾密的車就去到了，巴士有兩架，小巴都有一架去到，而且車費唔係貴。不過如果由大尾篤水壩果邊行過去就有點小遠
食物: 野食係幾入味，因為好鹹好重口味。佢地不斷強調係麥師傅調味....老實講，真係食唔出有咩咁好味，亦唔識佢邊個麥師傅，反而覺得有少少鹹過頭，應該用左好重味精，越食越口渴，加上都唔太見有黑椒同蒜蓉之類，可以算係"秘製調味"吧?? 不過我都係鐘意街市買好d.....
另外有樣野係好值得一提，就係佢係用人地美心大班麵包店用作運送麵包的膠箱去裝食物比客人，所以賣相真係有限，心理上都會覺得有點不衛生....
真係可惜無影相，不過大家睇其他食評都會見到呢樣野
同埋，因為佢地裝食物個箱係無隔開，.運到去爐時，佢地已經全部相親相愛糾纏不清，食物味道交叉影響...除左鹹之外，唔太食得出佢仲有咩味
如果真係要講除左鹹之外有咩味呢，係有的
因為有若干咖喱魷魚，但係食唔出有咖喱味，就好似星爺咁講，味道只流於表面，入唔到去，所以我只係見到黃色....應該就係咖喱吧??
雖然食唔出係咖喱味，不過我見到其實係有落辣椒落去試圖話比人聽佢係咖喱，咁做好成功，因為d辣椒都幾辣，而且仲"傳染"左比其他食物
仲有一樣野係好神奇的.....雖然我都知，有好多人咩都會試下燒烤.....今次我都試到了.....其中一樣係唔知雞定鴨的腎
腎.....燒左同未燒都係差唔多樣....完全唔知點樣叫熟.........內臟唔熟真係好易食壞人ga........
我本住"我不入廁所，誰入廁所？"的心態去試燒.....一舊燒5分鐘，另一舊燒15分鐘.....食落唔太分得出....都係好難咬，好硬，好鹹......
環境: 唔錯，幾大，有地方比小朋友玩，有小量有點失修的設施，有好可愛的小動物，但係見唔到個魚塘之類
好多位置都可以望到海，又可以望到山，但係下午去時有d位置會食哂西斜熱
好喇~ 之後就要講講服務同價錢
服務: 服務呢......絕對欠奉，可以用"不知所謂"，或者"趕客"去形容，入到去，個個都獅子咁大個鼻，十問九唔應
到比錢佢，都係一副"少你一個唔少"的樣子.....感覺上我去排隊交稅可能仲開心，
比左錢之後竟然就過海神仙.....無人帶位，無人同你講之後做乜去邊度........
完全唔知想點.....問個收銀去邊度，佢就來個牧童遙指杏花村咁.....求其指個方向就算
好la....我地跟佢個方向去到....根本就無位，一係就比d團留哂位.....我相信留左位佢地應該係知...竟然咁都仲叫我地去果個方向....
到我地再千辛萬苦找到其他staff......
又指我地去另一個方向......
今次去到....有位喇.................執好哂野，叫人來開爐
開爐果個又話比我地聽.......呢度夜晚無燈，唔會開呢度d爐..........叫我地去另一邊.......
好....本來，如果未比錢的話，我地走左十世....而家比左錢，無計...忍一忍你............
點知再去到.....又找到一個staff......問佢邊度有位.......
佢又指返我地第一次去果度......即係叫我地係咁loop??
我地就同佢講，果度無位，我地去過，佢就好惡咁問:"果度無位!? 咁多位!!" 指住d 比人留左座的位.....
我地就再同佢講，果d位比人留哂，點知佢就更加惡，一句飛過來:"我鬼知咁多! 我今日剛剛返工ja!"
先唔講佢知唔知....我地果時真係超無助，我地係客，入來比錢，只係想有個位坐底食野
但係竟然連呢少少野都做唔到.....
你話你唔知果度留左位，我地咪講你知lor....請問我地有咩錯呢?
請問你身為一個staff，係唔係應該咁樣對客人呢?
請問你地打開門做生意，比呢d咁樣的服務客人，仲要自稱為"燒烤王"，有無少少慚愧呢?
我想講，由比錢果刻到真係搵到位坐底，用左半個鐘
之後，再由坐底到等佢地終於有人幫我地開爐，用左半個鐘
再到真係有野食落肚，係再之後的三個字，
即係我比左錢，要等一個鐘頭三個字先有野食
佢地仲要限我地炭，只得兩包.....但係其中一包比個開爐阿姐一野開爐清左袋..............
d野食偏鹹，但係限飲品一包.......
價錢: 因為係星期日，無任食.....叫左個四人餐.......d野係幾夠食.......
點解呢.......
因為.................有一大袋麵包!!!!!!!!
其他就係幾隻雞翼，少少魷魚，2塊豬扒，幾粒打邊爐的丸，幾條腸仔，一d不知名肉，唔知咩腎....
That's all.......全部都係平價野.........
但係價錢就一流....要$320.......再加 30開爐費........真係@#%$%($%&*@#$&(
早知試另一間好過，人地都係88蚊任食........起碼我可以唔揀麵包呀，腸仔呀，邊爐丸呢d cheap野丫.......
Post