TeaWood Deluxe (Closed)

茶木呢間連鎖快餐店，多數好多人都食過，而且唔止一次。最近朋友帶我嚟k11呢一間我會叫佢做茶木嘅高級版，菜式偏向fusion，創意得嚟價錢亦都一貫親民作風，只係畀正常嘅茶木貴少少，但係料理絕對有驚喜。如果有選擇困難嘅朋友，呢度嘅晚餐set一定幫到你唔同嘅種類配搭，豐富嘅美食菜單group埋一齊畀你揀，喺尖沙咀嚟講價錢唔算貴；至於因為我朋友好話到事，所以我哋今次冇試到佢嘅dinner set，反而就試咗單點MTW黑糖珍珠梳乎厘班戟一上碟確實好相機食先，但係又會擔心冇乜動L，係咪真係煎得唔夠梳乎？好surprise係切落去嘅時候感覺都鬆軟，食落口就係第二個感覺，淡淡嘅芝士味慢慢散發出嚟，打發得好，蓬鬆軟滑嘅忌廉甜度適中，令人齒頰留香。酥炸🐔配三星蔥汁。脆嘅部份係酥皮，浸左係青色嘅蔥汁上都唔會腍。肉質算滑，唔老，調味適中，反而欣賞佢係草青味又好creamy嘅汁👍法式油封鴨腿漢堡Fusion得嚟又唔odd，漢堡包塗上牛油烘暖，更加香口，加上鴨油滲入麵包中，提升味道層次。鴨肉一切就分得開，好軟腍。值得一讚係薯條炸到外脆內軟，夠大條！兩杯飲品都相當有特色，人蔘味奶茶冇乜人蔘味，但奶味好重，珍珠充滿黑