Video
Read full review
2019-08-25
839 views
生日月～朋友又帶我到高級餐廳食嘢～話去呢間叫川流嘅四川菜～一開頭知道係食四川菜，無咩特別興奮～點知一去到門口，又唔係我想像中咁嘅～裝修得好靚好高級～地方雖然不大，但環境100分～我哋坐低後侍應隨即放上小食，好等我哋揀菜式期間都有嘢食吓～個小食都幾精緻幾好味架～我哋揀咗：灌汁小籠包每粒小籠包底下都有塊紅蘿白墊底～應該係等我哋夾起時唔會咁易穿底，非常細心～另外有枝試管仔裝住啲醋～侍應教我哋喺個小籠包頂部吱入去先再食～熱辣辣得嚟又唔會燙口，好多湯汁好滿足～醋椒胡辣羮濃濃嘅椒胡味帶一點點酸酸哋，好開胃～辣子雞分量都OK，味道不錯，但有啲乾～有啲辣辣哋，刺激味蕾，朋友唔食得太辣就要飲啖水～蒜蓉炒西籣花諗住清清哋叫返碟菜食吓～點知佢又炒得好好味喎～雖然係一碟普通嘅蒜蓉炒西蘭花～但炒得好好味，蒜蓉味道滲入西蘭花每一處～炒得啱啱好，好快比我哋KO晒～宮崎和牛肉眼A5級完全無諗到係咁嘅樣，A5和牛好似吉烈咗咁～上面蕩漾住半熟嘅溫泉蛋～我哋吉穿隻溫泉蛋再將蛋漿塗上和牛上面～再連同底下啲配菜再點一點紅酒京醬汁一齊食～濃濃醬汁夾住和牛味再來一點青瓜味道～清新得嚟又幾特別幾好味～五十二度慢煮樟茶鴨胸侍應話將啲鴨
話去呢間叫川流嘅四川菜～
一開頭知道係食四川菜，無咩特別興奮～
點知一去到門口，又唔係我想像中咁嘅～
裝修得好靚好高級～地方雖然不大，但環境100分～我哋坐低後侍應隨即放上小食，好等我哋揀菜式期間都有嘢食吓～
個小食都幾精緻幾好味架～我哋揀咗：
灌汁小籠包
每粒小籠包底下都有塊紅蘿白墊底～應該係等我哋夾起時唔會咁易穿底，非常細心～
另外有枝試管仔裝住啲醋～
侍應教我哋喺個小籠包頂部吱入去先再食～
熱辣辣得嚟又唔會燙口，好多湯汁好滿足～醋椒胡辣羮
濃濃嘅椒胡味帶一點點酸酸哋，好開胃～辣子雞
分量都OK，味道不錯，但有啲乾～有啲辣辣哋，刺激味蕾，朋友唔食得太辣就要飲啖水～
蒜蓉炒西籣花
諗住清清哋叫返碟菜食吓～點知佢又炒得好好味喎～雖然係一碟普通嘅蒜蓉炒西蘭花～
但炒得好好味，蒜蓉味道滲入西蘭花每一處～
炒得啱啱好，好快比我哋KO晒～
宮崎和牛肉眼A5級
完全無諗到係咁嘅樣，A5和牛好似吉烈咗咁～上面蕩漾住半熟嘅溫泉蛋～
我哋吉穿隻溫泉蛋再將蛋漿塗上和牛上面～
再連同底下啲配菜再點一點紅酒京醬汁一齊食～濃濃醬汁夾住和牛味再來一點青瓜味道～
清新得嚟又幾特別幾好味～
五十二度慢煮樟茶鴨胸
侍應話將啲鴨胸放入麵包裏一齊食～
再加入無花果味道更佳～
鴨胸厚肉，濃濃樟木同茶葉味道又唔會蓋住鴨胸味道～連同無花果一齊食可減低鴨胸咸味，又係另一種好味～
肉絲倆面黃
好特別嘅整法，將麵炸咗面層做到好似一塊塊餅咁～淋上肉絲汁，面層脆卜卜但中間又軟林林好得意～
倆面黃嘅另一種食法～
蒜泥白肉涼拌手工涼麵
個醬汁做得好出色，撈埋手工涼麵一齊食超級夾超好味～
怪味大粬朱古力意式雪糕
好特別嘅雪糕，朱古力味好濃好好味，帶點辣辣哋～大家一定要點嚟試吓～推介
好特別又好開心嘅一餐～好有驚喜，會再去食試埋佢其他特別菜～
Post
