Video
Read full review
2018-06-07
205 views
旺角餐廳好多，想食乜都有，但等位對於M佬真係一大考驗，所以唔好咁大聲，唔好話比老人家知，依家旺角有個全新嘅商場叫T.O.P.！因為新開，唔係好多人知，所以今日就食我最鍾意嘅韓國菜：柞木炭家。叫得做柞木炭，當然係用柞木炭作為燒烤嘅原材料啦，更加聲稱係全港首家用柞木炭作韓式燒烤嘅餐廳，就算無靚仔Oppa做waiter，都值得一試！食韓國餐，一定唔少得前菜，大推呢個原棵泡菜，夠晒爽口又惹味。仲有芽菜、蓮藕同沙律，食一大推肉嘅同時都可以降低罪惡感。韓牛肋眼上蓋韓牛一向都少出口，而韓牛肋眼上蓋即係肉眼扒嘅頂部，更加係少之有少，難得有嘅，點可以唔試？韓牛肋眼上蓋嘅雪花分佈平均，油脂夠晒豐富，輕輕一烤，已經可以食得！肉質鮮嫰，牛味香濃，接近入口即溶，加上用上柞木炭嚟燒，更能鎖住肉汁！柞木五花腩食韓燒又點少得五花腩，肉同脂肪嘅比例啱啱好，而最吸引係燒到脆卜卜嘅皮，好爽口，唔油膩。牛舌三吃牛舌係M佬嘅最愛，司傅用唔同嘅切割方法，等我哋可以品嚐牛舌嘅唔同口感。厚切牛舌係最吸引嘅，肉味香濃，又唔韌；相反，薄切就考司傅功架，但肉質就比較嫩滑。厚切濟州黑毛豬梅肉韓國嘅代表除咗有韓牛，當然唔少得濟州黑毛豬！厚切嘅
食韓國餐，一定唔少得前菜，大推呢個原棵泡菜，夠晒爽口又惹味。仲有芽菜、蓮藕同沙律，食一大推肉嘅同時都可以降低罪惡感。
韓牛肋眼上蓋
韓牛一向都少出口，而韓牛肋眼上蓋即係肉眼扒嘅頂部，更加係少之有少，難得有嘅，點可以唔試？
韓牛肋眼上蓋嘅雪花分佈平均，油脂夠晒豐富，輕輕一烤，已經可以食得！肉質鮮嫰，牛味香濃，接近入口即溶，加上用上柞木炭嚟燒，更能鎖住肉汁！
柞木五花腩
食韓燒又點少得五花腩，肉同脂肪嘅比例啱啱好，而最吸引係燒到脆卜卜嘅皮，好爽口，唔油膩。
牛舌三吃
牛舌係M佬嘅最愛，司傅用唔同嘅切割方法，等我哋可以品嚐牛舌嘅唔同口感。厚切牛舌係最吸引嘅，肉味香濃，又唔韌；相反，薄切就考司傅功架，但肉質就比較嫩滑。
厚切濟州黑毛豬梅肉
韓國嘅代表除咗有韓牛，當然唔少得濟州黑毛豬！厚切嘅濟州黑毛豬梅肉，肉味突出，肉質結實，係繼韓牛後嘅另一推介！
柞木雪濃湯飯
雪濃湯飯嘅湯底用上大量牛骨同牛肉去熬製，肉味鮮甜，白飯完美吸收咗精華，對比食完咁多肉，呢個清清哋就啱晒。
魔法梳打＋荔枝梳打
食燒烤飲梳打，真係絕配！
Post
