canton pot (Closed)

呢排肺炎肆疫 男朋友知道我鍾意打邊爐 特登上網搵咗位於旺角L hotel上面嘅canton pot~ 入到去環境幾舒適 仲有獨立嘅包房 私隱度幾高☺️我哋嗌咗個套餐 湯底要咗川芎魚頭白芷湯底 湯底滋補 而且聽媽咪話川芎去頭風一流 湯底黎到估唔到有咁足料 而且魚味唔會腥 仲味道唔錯添！美國極級牛肋片牛肉嘅脂肪均勻，肉質嫩滑入口而且有豐富嘅牛肉味道黑豚肉口感鬆軟嫩滑 無豬腩咁肥 而且肉味好香海中蝦蝦肉唔係雪藏蝦係新鮮嘅蝦 蝦肉彈牙而且唔黐殼！鮮墨丸 + 香菇貢丸丸類全部都係手工製非機製 口感好出色 墨丸彈牙仲好墨魚味~澳洲和牛芝士餃呢個真係相當推介!!從來估唔到和牛同芝士嘅味道可以咁夾 而且滾熟咗嘅攪芝士入口即溶 忍唔住要再encore多一碟😋松茸野菌福袋賣相可愛精緻 腐皮塞滿菇菌 香口又美味 食完肉類梗係要食返啲蔬菜 蔬菜嘅選擇都好多有機白蘿蔔清甜爽口；有機山水滑豆腐滑嫩且有豆味；有機甜粟米爽甜又多汁 仲有秀珍菇同黑木耳 啱曬我呢啲鍾意食菜嘅人~最後仲有香脆即炸嘅響鈴卷同帶蝦子濃香 軟滑爽口嘅麵條蝦子生麵 估唔到份量唔算好多 但原來食完都非常飽同滿足👍🏻