花火洋食 (Closed)

一兩年前和同事去過哥爾夫球場隔離嘅餐廳，當時係一間茶餐廳，仲和同事食小菜。今日諗住同老公去食，點知原來已經轉咗做另一間餐廳，而且仲有少少意外驚喜。餐廳是做西餐，我和老公點了香烤大啡菇黑松露忌廉汁意大利飯、日本西京味噌醬焗豬鞍。而點主菜仲會升級至套餐，包南瓜湯和餐飲，都幾抵食。香烤大啡菇黑松露忌廉汁意大利飯大啡菇好多汁，我老公讚好味，相信係食材質素高的關係。意大利飯煮得軟硬適中，煙煙韌韌。黑松露味不太重，口感清新，沒有濃膩之感。日本西京味噌醬焗豬鞍對我來說挺有新鮮感，我通常整西京味噌焗銀雪魚或味噌湯，焗豬鞍真係第一次，味道幾特別。豬鞍非常厚，但唔會焗到過熟，既有肉味，亦充滿肉汁。估唔到味噌和豬鞍都幾夾。而薯蓉加左蕃茄，酸酸地，好開胃，和一般餐廳不一樣。最後點了兩杯朱古力，朱古力味香濃，他們還拉了心心呢，好有心思。