Thai Tuk Tuk

夜晚晚去左大角咀嗰邊，行經見到呢間泰國餐廳都幾坐滿下人，見好似唔錯決定同朋友黎試下。因為朋友做完GYM嘅關係，見有D肚餓，於是就叫左 泰式生海蝦6隻($88)、香芒軟殼蟹米紙卷($78)、招牌去骨豬手煲($98)、香蔥蒜蓉包6件($42)、燒菠蘿($32)、泰式鐵板蠔仔炒蛋($88)、泰皇咖喱牛筋腩煲($108)、泰式馬拉盞炒椰菜苗($68)、鮮蝦炒金邊粉($78)、油飯($14)、火龍果芝士沙冰($32) 、波蘿芝士沙冰($32)

泰式鐵板蠔仔炒蛋

$88

泰式鐵板蠔仔炒蛋：鐵板熱辣辣咁上，份量都唔細，蠔仔肉夠多，蛋都幾滑下，點個辣醬仔黎食幾正

香蔥蒜蓉包6件

$42

香蔥蒜蓉包6件：好似層層疊咁疊起左，蒜蓉味夠香，就咁食或左點D咖哩汁黎食都好好味

泰皇咖喱牛筋腩煲

$108

泰皇咖喱牛筋腩煲：好中意食咖哩，所以點都要叫返碟咖哩試下咩質素呢到個咖哩都幾香，唔係調味粉溝出黎，而係自己煮，食得出落左唔同香料落去，味道幾香而且辣度適中。薯仔煮得夠淋，牛筋腩嫩滑唔UN而且入晒味

泰式生海蝦6隻

$88

泰式生海蝦6隻

$88

泰式生海蝦6隻：有別於一般泰式餐廳用碟上，佢每隻生蝦放喺杯仔到，類似試管架咁樣上菜，每杯紅綠色醬汁相隔，賣相相當吸引生蝦夠新鮮，加埋泰式醬汁連埋生蒜粒一齊食幾好食

香芒軟殼蟹米紙卷

$78

香芒軟殼蟹米紙卷：米紙卷個皮幾薄又夠煙韌，軟殼蟹夠脆又唔油膩，搭埋芒果嘅甜一齊食落去幾FRESH下

鮮蝦炒金邊粉

$78

鮮蝦炒金邊粉：呢碟金邊粉份量好足好大碟，先唧上青檸汁，再連埋花生碎等撈埋一齊黎食。金邊粉炒得夠乾身，少少酸酸甜甜，鮮蝦肉質彈牙，唔會霉

油飯

$14

油飯：賣相簡簡單單，但味道好香，唔駛夾餸就係咁食都可以食得晒成碗

招牌去骨豬手煲

$98

招牌去骨豬手煲：又係份量好大，D豬手係煮得超腍，真係好似食啫喱咁不過稍微美中不足係有少少豬手毛，所以入口嗰下嫩滑得黎有少少吉口嘅感覺

泰式馬拉盞炒椰菜苗

$68

泰式馬拉盞炒椰菜苗：平時食開馬拉盞通菜，今次一於試下椰菜苗。用上馬拉盞黎炒菜食落幾惹味，冇左椰菜苗本身嗰種少少苦味，而且佢唔會炒得D醬好鹹

燒菠蘿

$32

燒菠蘿：菠蘿表面少少燒香，食落幾JUICY，甜得黎帶有少少酸味，唔錯

火龍果芝士沙冰

$32

火龍果芝士沙冰：本身係有芝士奶蓋喺面，但職員通知今日用晒所以未能提供，不過唔緊要，我本身都唔係太好芝士奶蓋，最主要係想飲火龍果果然貨真價實，飲落係好足料火龍果整出黎，飲落去唔會好水，係充滿果肉嗰隻質感，仲要有幾舊火龍果肉食下

波蘿芝士沙冰

$32

波蘿芝士沙冰：波蘿味甜度適中，唔會酸，朋友話幾解渴，啱晒而家夏天熱辣辣飲，而且佢係沙冰得黎唔會起晒一舊舊冰粒個杯設計有埋佢店嘅LOGO，睇落好似MINION

食到中途補張食物相先

內裡環境都幾靚，我幾中意呢D Graffiti嘅裝修，幾特別

呢到有樣好，就係平日居然免加一，而家都好少餐廳會免加一服務費，所以非常抵食，叫左咁多野樣食埋單$758，飽到上心口份量每碟都幾足料下，味道仲要幾好食，難怪間餐廳都幾FULL下！呢到係有好多種類食物選擇，真係睇到花多眼亂，樣樣都好想食，值得再ENCORE返黎食下其他野

補MENU