上海老家 (Closed)

依家有水準又抵食嘅店舖越來越少，但呢間就真係抵讚，食物高質，店員又好！天氣太熱，我同朋友先叫左三個前菜，涼拌木耳，口感爽脆，微酸，唔太辣，好開胃，最適合依家咁熱嘅天氣嚟食。素鵝皮薄香脆，燻魚脆不太乾，醬汁甜甜地，食落好開胃之餘，又少骨，最適合我啲懶人食🤪 還有上海粗炒，煮得夠鑊氣，麵條又夠彈牙，味道剛好。還有香濃惹味嘅回鍋肉， 每片椰菜和五花腩肉，都能夠做到掛汁而又不肥膩！值得一提，店舖免費送咗兩盅蟲草花花膠燉雞湯，嘩！唔好以為送嘅就普通嘢，但飲得出老闆用心，非常足料又夠火候，花膠夠滑，雞湯濃郁又清潤，而家已經好少飲到咁就好火候，又唔會好似出面街咁味精味嘅湯！ 相對大公司，我還是覺得小店員工更細心，食物質素更有保證！