五代同糖 (Closed)

昨日同啲朋友諗住tea嘅時候有人提議去五代同糖食雪花冰，我心諗凍冰冰食乜雪花冰下午茶食乜鬼嘢甜品呀！但係得我一個反對咁唯有跟大隊行啦！ 去到見個地方都幾廣闊落吹水都幾好，睇吓有咩食先，由於係下午茶所以都係想食啲有質感啲嘅嘢，於是我就叫咗心太軟其他人就叫咗益力多奶凍、楊枝金露雪花冰、腐竹雞蛋糖水、香芋雪花冰，我個心太軟等咗大約十五分鐘就到個心太軟一食，依！唔太甜但係又好夠朱古力味，個皮唔太乾、軟硬度剛剛好，同啲朱古力漿一齊食真係好好味！溝埋個雪糕一冷一熱好○Ｋ噃！話咁快食完，跟住重翻飛食多一個忝其間梗係要食吓人哋啲嘢益力多奶凍好夠益力多味，奶凍質感好滑，好味道腐竹雞蛋糖水夠滑、夠腐竹、甜味○Ｋ好彩入到鋪頭唔覺凍，可以吓啲雪花冰楊枝金露雪花冰、香芋雪花冰個份量夠兩位女仕食，味夠、質感响雪糕同冰之間、好綿，嗰種綿食到覺得好舒服好幸福，一班人食好開心一間令我有驚喜，食得舒服同開心嘅食店我一定會再去啦！