八屋 (Closed)

海膽卜邦尼大蝦意大利麵大蝦微煎到微金黃色，配上三文魚子，賣相好靚，蝦肉彈牙，意粉軟硬度適中，而且好掛汁，一上碟有濃烈嘅香味，似係牛油香，令人好有食慾。食落好濃味creamy，係我鍾意嘅味道，必試推介😁法式油封鴨腿窩夫平時比較少食鴨腿，所以叫咗呢個試下，上面有隻蛋，跟住喺鴨，最底有個好脆既窩夫。個窩夫又係超讚，酥脆既外層好香，鴨肉微帶咸味，沾上醬汁好味d😃八屋法式西多哩個真係不得了，賣相好靚，份量都好大份，加埋配料，睇得出佢既用心製作同擺盤。法式西多帶有玉桂香，口感好，另外附有糖醬可以加甜，香蕉上有焦甜，雙重口感，不同既雜莓都好好味🤤🤤必點推介。oreo朱古力冰樂賣相打卡一流，好濃又creamy既口味，入口好細滑，朋友好喜歡👍👍Cocktails -Will You紫色系既佢吸引左我，入面有vodka,blueberry shrub,hibiscus ，偏酸口味，好易入口。