作為飯局攪手的他，提議太子花園街的雞煲店 <亞南雞煲>！
當晚 7:00 到，店內已有不少食客，店內最盡頭位置有間貴賓房，內有細枱及大枱，自成一角，不會太嘈！
店內用餐時間為入座後2小時，其實都足夠時間食！
當晚令大家最驚喜環節，
莫過於攪手朋友特意邀約 7、8、9月生日朋友出席！突然拿了個香甜白桃蛋糕出來，實在太有誠意又窩心嘞！
好感動呢！亦為這餐熱鬧的雞煲飯局劃上完美句號！
餐牌
5
12
3
店方相當貼心，提供即棄圍裙給食客！
當日最高溫 35度，我嫌店方的凍飲太大杯嘞！
所以，簡單點了清甜清新的椰青汁！
Meko 純椰青汁 $18
入口清甜得來不算好甜，配濃味食物最啱！
尖椒皮蛋 $52
加入辣椒油，香而並非預期中的辣，不食辣的我也接受得到！
冰鎮墨魚鬚 $65
墨魚鬚鮮美爽脆，辣椒油提升鮮味，幾醒胃！
脆皮牛腩 $88
酥脆金黃色的外層，把牛坑腩的肉汁保留，外脆內軟又多汁，令人一試愛上！
油炸鬼拼蝦多士 $62
油炸鬼拼蝦多士的配搭，既有香脆口感，又有鮮味彈牙的蝦多士，教人難以抗拒！
椒鹽鮑魚 (8隻) $384
簡單以椒鹽調味，鮑魚保留其嚼勁口感及鮮美！
別有一番風味呢！
蟲草花野生竹笙花膠濃湯鷄煲 (大煲：整隻新鮮鷄連雞雜) $668 (或冰鮮鷄一隻 $468）
新鮮鷄及冰鮮鷄質感同鮮味都唔同㗎！
選用新鮮雞，加入原條新鮮野生竹笙、蟲草花、花膠
野生竹笙雪白又大條，入口微爽又掛湯！
雞湯鮮甜味美！花膠含膠質之餘，又滋補養顏，令人愛不釋口呢！
三五知已分享最好不過嘞！
麻辣亞南雞煲 (細煲：半隻冰鮮鷄連新鮮鷄鷄雜) $208
另+8 隻日本帶子 (2份例牌，1份4隻) $216
大花蜆 (花甲) $98 = $522
香辣惹味！
加入BB 雞蛋等雞雜，相對冰鮮雞的質感硬實一點，吸收醬汁精華好味依然！
鮮美的帶吸收醬汁起了提鮮作用！
花甲鮮味濃郁有嚼勁，加入其中，添鮮之餘又保留其風味！
炸魚皮 $48
不能錯過的小食之一呢！
放一放落熱辣辣的雞湯，即時夾起，魚皮外層輕帶軟身，仍有香脆口感，同時保留其鮮味！
極品手打蝦滑 $88
蝦滑帶蝦的鮮美，尚算彈牙！
蟹籽墨魚滑 $78
蟹籽除了令賣相更出色之餘，亦可增添口感及彈牙！
手切極品肥牛 (大) $318
雪花紋脂肪分佈均勻，與新鮮牛肉色澤對比鮮明！
放落火鍋湯中浸了好幾秒，保持肉質軟嫩，好似口中即溶！
