台北咕咕雞 (Closed)

因為疫情關係，成年幾無去旅行，住係元朗好友，知道我情有獨中台灣美食。佢話最近裕榮徑11號開左一間台灣咕咕雞，約我放假去品嚐😍去到台北咕咕雞店鋪門口，勁多人買外賣，勁受歡迎。好彩有得堂食，入去小店涼冷氣，有兩張高既吧臺。牆上有一幅台灣地圖及擺設一些小飾品，好有文青氣色及充滿台灣風味，令人十分放鬆。同好友點了一份夜市雙人分享餐，相當抵食，只需$129。可以只選一款招牌台式炸雞、兩款夜市特色炸物及兩杯手搖泡沫綠茶。招牌台式炸雞-鹹酥雞❤️炸得香脆不油膩，件雞充滿陣陣鹹酥味，啖啖肉。夜市特色炸物-有24款炸物勁多選擇，最後揀左台灣小香腸及百頁豆腐。小香腸夠熱，食落好有口感，百頁豆腐，外軟內滑，仲有鹽酥味，相當好味。手搖泡沫芒果綠茶-成杯滿滿，沒有冰，但夠曬凍，飲落一陣陣清新芒果綠茶味道，十分好飲。好友果然好推介，店鋪老闆原來是台灣人，下單時熱情款待我倆，感受到台灣人那種好客，下次要再來品嚐餐單其他美食😋一次唔夠喉😆