我們點了經典原味&蜜糖芥末味無骨炸雞：
份量大大份，即炸嫩滑，又唔厚粉，好好味，果然係招牌，必食之選
芝士蛋卷：
份量都係大大份，厚身蛋卷，內有拉絲芝士，雙重滋味，食完又唔會膩，推介
炸醬麵：
驚喜之作
，因之前去韓國食過當地炸醬麵後，對炸醬麵感覺麻麻，都唔明白點解韓國人咁鍾意食…今次食完就真係為炸醬麵平反，清爽好味，唔會死鹹，醬同麵既份量比例啱啱好，食完都唔會口渴，極推介
小食芝士脆條：
外包裹薄薄炸粉，內芝士軟滑，應該係同芝士蛋卷內既芝士係一樣，所以都一樣咁好味，大人及小朋友都愛食
什錦豬肉腸：
共有6款口味各不同既豬肉腸，有辣既wasabi & 咖喱味，亦有微辣&唔辣既味道，味道豐富，微微煎香，甚有bbq風味
見到鄰枱客人點了Kimchi煎餅，賣相吸引，可惜我們已經太飽，惟有下次再試。
由韓國老闆親自下廚，真係正宗韓國菜，職員姨姨也是韓國人，不過廣東話非常流利，態度有禮，我們點餐都無難度。
下次會試點外賣，支持小店
1
