味道樂居酒屋 (元州街) (Closed)

餐廳裝修以木系為主，加上黃色燈光一入去已好有温暖小店嘅感覺。今次一開始叫左3款小食，分別係味噌魚干、燒年榚、同埋甲羅燒。其中甲羅燒較為特別，食落除左有蟹香味外，店家應該仲有加入唔同嘅魚干碎係當中，令甲羅燒變得更加香、更有層次，配埋烤脆左嘅面包作為前菜，香氣四溢但食落一啲都唔膩。跟住我哋仲叫左火炙帆立貝蟹膏卷。份量十足，每件飯卷之上都有帆立貝、蟹肉同埋大葱，喱幾款食材都係淡味得黎帶香氣，唔會互相搶味，而且帆立貝夠厚肉，所以唔只香味亦口感十足。最後叫左個牛肉壽喜燒。去個日得十幾度，壽喜燒埋到位侍應點火時心都暖埋。煲仔細細但蔬菜豆腐牛肉乜都齊晒，湯汁偏甜，加埋生蛋，令口感更豐厚，天氣凍時飲一流！牛肉唔韌有牛味，份量亦豐富，真係冇嗌錯！經過開一定會再幫襯！