The Stadium (Closed)

上司請食飯，去左藍妹私心一直想試既「The Stadium」。環境好寬敞舒適，座位好多，就咁目測應該有至少30張枱。水杯大大隻，有趣。—作為一個午餐，真係唔平，藍妹絕對唔捨得自己一個黎食個lunch。😱—忌廉薯仔白豆湯藍妹聽到是日餐湯好特別（個名唔肯定係咪咁），忍唔住加左錢試下。有時好奇心會帶來非一般既體驗，藍妹好鐘意呢個湯呢。😍因為有薯仔同豆蓉既關係，個湯非常濃稠。每一啖都食到比較粗糙既白豆蓉，相比起好幼滑既湯，呢種口感藍妹都好鐘意呢。😊—炸魚薯條 Fish & Chips 呢個係同事食既，見到賣相好得就影低。食左一小舊，炸得唔錯，粉唔會厚，魚亦冇好重既雪味。😗—免治羊肉肉醬寬麵 Lamb Bolognese呢個係藍妹叫既。有follow開藍妹都知好鐘意食羊肉，仲要覺得愈騷愈正！😂今次呢個麵滿足到藍妹唔同既願望，藍妹好鐘意食寬麵，口感更好，亦可以咀嚼耐啲。😚免治羊肉好騷啊，岩哂藍妹！😜肉醬既份量好多，去到最後啲肉醬食唔哂。😅—Rosemary Lemonade唔太知Rosemary係咩味，不過Lemonade既味就好重，幾好飲。藍色令藍妹覺得落左藍蝶花汁。🤔—價錢一定唔平嫁啦，不過個