Video
Read full review
2010-11-27
36 views
傳聞葵涌廣場有間隱世咖啡店，PaPaccino決定走去葵芳，會一會呢間「騷媚咖啡」。但葵涌廣場簡直係個迷宮，唔熟路o既PaPaccino，花左唔少時間先搵到佢。原來呢間隱世咖啡店o係廣場二樓，各位coffeemate們見到潮流廊之後再轉右，行到最後o個條巷仔，就可以見到架啦﹗「騷媚咖啡」感覺幾型，而且好的骰，成間舖得五六個位左右。PaPaccino到左「騷媚咖啡」已經七點幾，好彩老闆好好人，決定做埋我呢個客先打烊。老闆娘仲好細心咁為PaPaccino安排座位。今時今日咁o既服務態度真係超班﹗眼見咁多咖啡，都唔知點揀，但PaPaccino諗「行左咁多路，補充下體力都好o咼」所以最後決定揀左杯「白朱古力咖啡」。嘩~杯咖啡o黎到啦﹗PaPaccino聞一聞已經覺得好有咖啡味。望一望咖啡面，係老闆細心o既拉花，真係好靚啊﹗PaPaccino有d唔捨得飲o添!咖啡面o既奶泡唔單只睇得，飲落口都唔錯~奶泡幾綿密、厚身，加埋香濃o既白朱古力咖啡，層次好豐富。而且，咖啡當中朱古力o既香味與咖啡o既香味非常配合，連對白朱古力冇咩偏好o既PaPaccino，都覺得ichiban。不過，PaPaccino覺
「騷媚咖啡」感覺幾型，而且好的骰，成間舖得五六個位左右。
PaPaccino到左「騷媚咖啡」已經七點幾，好彩老闆好好人，決定做埋我呢個客先打烊。老闆娘仲好細心咁為PaPaccino安排座位。今時今日咁o既服務態度真係超班﹗
眼見咁多咖啡，都唔知點揀，但PaPaccino諗「行左咁多路，補充下體力都好o咼」所以最後決定揀左杯「白朱古力咖啡」。
嘩~杯咖啡o黎到啦﹗PaPaccino聞一聞已經覺得好有咖啡味。望一望咖啡面，係老闆細心o既拉花，真係好靚啊﹗PaPaccino有d唔捨得飲o添!
咖啡面o既奶泡唔單只睇得，飲落口都唔錯~奶泡幾綿密、厚身，加埋香濃o既白朱古力咖啡，層次好豐富。
而且，咖啡當中朱古力o既香味與咖啡o既香味非常配合，連對白朱古力冇咩偏好o既PaPaccino，都覺得ichiban。
不過，PaPaccino覺得如果有咖啡杯會仲好！用紙杯感覺怪怪的啊！！但無法啦，老闆就黎打烊，已經收埋左d咖啡杯。唔想重蹈覆轍o既coffeemate們，就要早d去啦﹗
最後，如果大家對飲飲食食有興趣，可以黎我個Blog 睇下架。
http://hk.myblog.yahoo.com/call-freebreak
Post
