香港魚蛋皇

Open Now

Now Closed

今朝落左灣仔做野，番公司前就係附近食埋個飯。見到呢間香港魚蛋王，好似幾快靚正，就係度食。除左魚蛋粉，呢度仲有午市套餐，$50仲包飲品，要涼粉冰、紅豆冰呢啲都唔洗加錢，抵！不過我係個食肉獸，都係餐牌上既雜扒飯（$64）最啱我。可以揀黑椒汁、咖喱汁、豉油。我揀左黑椒汁。雜扒分別有牛扒、腸仔、雞扒、煎蛋，仲搭兩條菜，超飽肚。個價錢包左飲品，我要左熱菊花蜜，甜度啱啱好，暖暖地又幾養生。食咁多肉，就要食番啲菜平衡下，要左芥蘭（$19）。黎到又點可以唔食魚蛋，一於要左份魚蛋（$36）。果然爽口彈牙，名不虛傳。食飽飽番公司繼續戰鬥。