部分其實自己都已經食過，但最近又留意到一位藝人開餐廳。
係媒體上得知佢開餐廳並唔會驚訝，因為佢唔係第一個，我亦唔係佢粉絲。
不過食野還食野，唔關粉唔粉絲事，所以今日就去左呢度。
門面高貴得嚟帶點神秘。
裡面既環境都幾舒服，但更令我驚喜既係見到"馬神"真人。
如果你睇到呢度你未必知邊個係馬神，其實佢都同TBB拍過好多劇，而我睇過又最新既應該係之前飛虎做主角，高大又man既形象深入民心。
當然今晚唔係嚟食馬德鐘，睇番menu，多種刺身壽司揀。不過，對於有選擇困難證既我地，Omakase就岩晒。
今次 Omakase 分三部分，刺身，壽司，湯同飯。
1
首先會食刺身部分，有平正，油甘魚，深海池魚刺身，全部都係厚切。由於刺身厚切，所以內裡蘊含既魚油就更多，三種刺身食既時候魚味香濃，稍稍沾沾豉油已經足夠，而且厚切口感有保證。
壽司部分雖然無刺身既厚切，但就比刺身多好多種類，有𩶘魚壽司，鱰魚壽司，石門貝壽司，凡立貝壽司，北寄貝壽司，池魚壽司，拖羅壽司。𩶘魚壽司
鱰魚壽司
石門貝壽司
石門貝壽司比較少食到，夠晒爽口。
凡立貝壽司
北寄貝壽司
同一般食開鮮紅色唔同，變成深赤色。
池魚壽司
重味既池魚壽司，加埋薑一齊食，更突顯池魚既味道。
拖羅壽司
其中最令我心動既絕對係拖羅壽司。紅色既拖羅已經夠吸引，未食已經聞到拖羅香，入口令人難忘既感覺。
最後食埋蟹肉蟹膏飯，同飲麵豉湯。
蟹肉蟹膏飯既蟹肉同蟹膏豐富，而且夠鮮味。食完咁多魚生刺身，最後飲一飲麵豉湯清清味蕾。
馬神開既呢間日本餐廳整體感覺都唔錯，不過如果想睇下馬神真人就要碰碰運氣。
最後，馬神同拖羅，作為一個男人，我當然揀拖羅。
