馬祖無限時台灣養生涮涮鍋

Open Now

Now Closed

圍爐取暖最忌心急，狼吞虎嚥咁食係欣賞唔到食物嘅真味。今次試呢間嚟自台灣嘅佳麗係無限時嘅，可以一開店1200開始一路食到0000（given你個肚係一個黑洞），就算唔得$300零蚊坐返幾個鐘慢慢食都抵。餐廳風力十足，建議帶件外套，如果唔係以為去咗北極，可能因為咁所以竟然有熱飲提供，貼心！另一加分位係提供隔油嘅羹，唔擔心食到後期個湯太油。𖦹 台灣養生涮涮鍋吃到飽套餐 $399♙ 藥膳花膠雞涮涮鍋 ＋ 爆漿熔岩芫茜豆腐鍋 ＋$48 先講湯底！花膠雞湯底清甜帶淡淡嘅藥材香，滋補養生；芫茜湯底勁多芫茜，多到唔洗錢咁，放咩落去都會有陣特濃茜味，literally so west。﹆Prime Grade安格斯牛頸脊﹆美國SRF極黑和牛肩脊肉﹆西班牙伊比利亞黑毛豬﹆西班牙無激素雞豬肉片肉類質素很令人滿意，每碟都有好多片，顏色非常靚，尤其推薦有咬口、少脂肪嘅牛頸脊，食落牛味濃郁，口感奇佳。其餘配料選擇多，咩類型都有，比較驚喜係連海鮮都係任食，特別要記低黑松露墨魚滑、各款手工丸、鴨血同埋罕見嘅米血糕 。飲品方面有幾款自家製茶飲，包括冷泡日月潭蜜香紅茶、黑糖冬瓜檸檬茶以及冷泡桂花烏龍，健康解膩。食火鍋前仲