Kopitiam Makan Makan (Closed)

幾年前去馬來西亞後，一直對當地茶啡室念念不忘，估唔到喺大角咀可以搵返呢種味道😍「麥金·麥金」主打地道馬拉娘惹菜，味道正宗之餘價錢亦非常親民，重拾馬拉風情💕

.
餐廳門面至內部，裝修就如同南洋茶啡室般❣️傳統茶啡室階磚地板、黑底金字招牌、東南亞風景掛畫，充滿懷舊特色✨

.
🍴娘惹叻沙
💰$68
麥金嘅叻沙採用馬來西亞空運香料配以獨門秘方製成🇲🇾入口先充滿椰漿香氣，然後再慢慢散發出蝦嘅鮮甜🤤可能為咗遷就香港人口味，辛辣味偏淡，食唔到辣都唔怕😌配料亦相當豐富，有豆卜、扎肉、鮮蝦、雞蛋、蜆肉等等😝濃郁湯底配以油麵及豐富配料，定人一啖有一啖食到停唔到口😆

娘惹叻沙

$68

.
🍴蛋黃奶油勁量雞扒
💰$68
雞扒外皮煎得金黃香脆，肉質依然保持嫩滑多汁💦蘸上秘製蛋黃奶油，有奶油甜香之餘帶少少辣勁，味道層次更豐富😋

蛋黃奶油勁量雞扒

$68

.
🍴馬拉沙嗲串燒
💰$45（三串）
叫咗豬牛雞各一串🍢沙嗲醬帶濃郁花生香🥜配埋串燒食非常惹味😝有少少後悔冇叫到六串，三串唔夠喉🤣

馬拉沙嗲串燒

$45

.
🍴椰香南洋燒麵包
💰$34
招牌菜式🌟基本上見到每檯都有叫😆麵包烘得超香脆，夾住嘅咖央醬充滿椰香及斑蘭香🤤而且落得非常慷慨🤪想食得更邪惡嘅可以加牛油🧈不過同行嘅怕肥就冇叫😅

椰香南洋燒麵包

$34

.
🥤美祿恐龍
💰$28
超多美祿粉鋪滿整杯飲品😍味道當然勁濃郁😆
.
🧋馬來西亞拉茶
💰$22
甜度可以自由選擇，揀咗無糖版😌拉茶香滑淳厚，茶味香濃😚

.
親民貼地價錢下可以食到如此正宗馬來西亞菜，怪唔之得去到都爆曬場，仲有好多人排隊😂必定會再回頭，實在有太多其他菜式冇食到好想試🤓