有好多菜式都想試，兩個人食唔到太多，揀咗四道菜：
香煎脆邊蛋肉餅飯 🍳🍚脆邊蛋煎得好靚！加埋葱花賣相一流，食慾大增
肉餅都煎得好好，唔會太鹹。食完都冇覺得口渴，值得一讚！小籠包胡椒湯 🥟🥣小籠包平時食得多，胡椒湯底第一次見。
加埋個湯味道係夾嘅，連我唔食得辣嘅，都唔會覺得辣，係易入口
油菜油菜咁基本嘅食物，可以睇得出間店有冇用心定係hea。碟油菜嘅大小同份量係剛剛好，一啲都唔老，菜係新鮮嘅，食完想再添
咖央多士最期待就係食呢份咖央多士！個皮片得薄薄哋，烘得脆脆哋，啖啖都食到甜甜哋嘅咖央，食落係幸福嘅感覺
其實幾考手藝，食得出有用心整
🥤☕️ 丹南咖啡
叫咗一人一杯咖啡，好在係冰鎮咖啡。
唔需要叫走冰或者少冰，入面唔會有冰溝淡咗咖啡。咖啡係好飲嘅，同咖央多好夾
1
1
總結：
食物水準高，食得出係真材實料，有用心做好👍🏻
推介肉餅飯、咖央多士、咖啡😋
下次想試埋肉骨茶、炸雞翼！
