馬六 (Closed)

今日下午同朋友黎左馬六食飯，門面好大間入面好多梳化位坐位舒適最岩三五知己去傾計，我地點左一個白胡椒肉骨茶配飯，肉骨好大舊好淋，茶底有白胡椒既胡椒味，朋友叫左碗海南雞喇沙摻摻下午茶餐，雞肉好淋好嫩滑，無血既，仲有湯底香濃好好味，唔係好辣但好入味，仲有豆腐卜浸落湯底都好入味，麵係由粗同幼組成食落都幾特別嫁，麵好彈牙。仲有叫左兩個小食，一個糯米釀雞翼，一啖咬落去好多汁好好味熱辣辣即叫即整，同埋好多糯米涵，涵料十足，另一個小食咖央多士，一啖一口，仲好有牛油同咖央香味，咬落香脆，唔會太油。最正既係飲到馬來西亞既正宗拉茶，好滑好香茶味。另一杯加左芝士就好香芝士味。推介。