主打馬來西亞菜餐館《蘇媽.蘇媽》近年真係爆紅，基本上都坐無虛席，所以一定要早啲過嚟食呀😜！
.
✨ 蘇媽.蘇媽馬來西亞茶餐室
店內裝潢以綠色格仔瓦磚🟩配以懷舊花紋地板💠、木窗框🪟同燈籠🏮，充滿懷舊嘅馬來西亞風格。
.
🥢 百吉爺肉骨茶（豬腳彎） $68
可以襯住肉骨茶未送到，跟餐紙上嘅指示調醬😉，將蒜蓉🧄、辣椒🌶️、黑豉油和頭抽放在小碟中撈勻。一上枱，已經聞到淡淡既藥材味🤤，湯頭用多種藥材同香料煲成，飲落溫和順口👍🏻，滋補養生‼️豬腳去曬骨，大大件而且好厚肉😝，肉質軟腍，食落爽口彈牙☺️，點埋醬汁一齊食更加滋味。配料仲有豆卜、金菇，十分豐富🥰。
.
🆓 免費添飲
凡惠顧任何一款肉骨茶，即可免費添加熱湯‼️記得先食肉，再添熱湯啦😉。
.
🥢 高佬麵配雞扒 $68
非常足料‼️雞扒大大塊又厚身，仲大過塊面😱。雞扒外皮金黃香脆✨，口感細嫩多汁，好Juicy💦。另外仲有呈啡色嘅高佬麵，雖然顏色偏深，但絕對唔係死鹹🫶🏻，配埋溫泉蛋、魚乾仔同花生，撈勻一齊食，口感好豐富😋。
.
🥢 椰香咖央多士 $38
咖央多士，馬拉小食必食之一‼️香脆多士加上椰香十足嘅咖央醬，咬落酥脆香口帶香濃咖央醬🤤，口感十足，超級邪惡‼️
.
🥢 怡保白咖啡（熱） $22
上枱時仍可見咖啡表層佈滿細緻泡沫🫧，拉沖方式一流‼️亦都因為從高空拉沖咖啡，口感更加滑順細膩，風味零捨唔同😍。
.
🥢 美祿恐龍 $38
風靡新加坡嘅飲品—美祿恐龍。大大杯嘅冰美祿上面放上冰塊🧊，再撒上一大層美祿粉，直接喝有少少脆脆嘅口感☺️，邪惡指數爆表💯！
.
